लेखक : अन्जना शर्मा”
मकवानपुर क्षेत्र नम्बर २ ख का प्रदेशसभा सदस्यको सम्पर्क कार्यालय उद्घाटन
मकवानपुर, २१ डिसेम्बर – मकवानपुर क्षेत्र नम्बर २ ख का प्रदेशसभा सदस्य इन्द्रबहादुर बानियाजीको सम्पर्क कार्यालय हालै मकवानपुरको पश्चिमी क्षेत्र स्थित मनहरी बजारमा स्थापना गरिएको छ। उक्त कार्यालयको उद्घाटन उपप्रधानमन्त्री तथा सहरी विकास मन्त्री माननीय प्रकाशमान सिंहज्यूले शनिबार एक विशेष कार्यक्रमका बीच गर्नु भएको हो। यस कार्यालयको स्थापना स्थानीय जनताको समस्याहरूलाई प्राथमिकतामा राखेर जनसम्पर्क सुदृढ गर्ने उद्देश्यले गरिएको हो।
सम्पर्क कार्यालयको उद्घाटन कार्यक्रममा माननीय प्रकाशमान सिंहले यो कार्यालयलाई स्थानीय जनताको गुनासो सुन्न र तिनीहरूको आवश्यकताहरू सम्बोधन गर्नको लागि एक महत्त्वपूर्ण माध्यमको रूपमा व्याख्या गरे। उहाँले यसलाई जनताको साझा थलोका रूपमा स्थापित गर्ने र यसको मार्फत जनताको दैनिकी, समस्याहरू, र भविष्यका आवश्यकता बुझ्ने महत्वपूर्ण अवसरका रूपमा लिनुपर्ने कुरामा जोड दिनुभयो।
यो कार्यालय निर्माण गर्नको पछाडि प्रमुख उद्देश्य भनेको जनतालाई आफ्नो आवाज उठाउन र सरकारसँग सीधा सम्वाद गर्न एक सजिलो माध्यम दिनु हो। यहाँ नागरिकहरूले विकास, शिक्षा, स्वास्थ्य, रोजगार र अन्य सामाजिक सेवासम्बन्धी विषयहरूमा आफ्ना विचार राख्न सक्नेछन्। यस कार्यालयमार्फत जनताको समस्याहरूलाई तत्काल समाधान गर्नको लागि आवश्यक सल्लाह र मार्गदर्शन उपलब्ध गराइनेछ।
यो सम्पर्क कार्यालयको उद्घाटनसँगै कांग्रस पार्टीका मकवानपुर सभापति र क्षेत्र नम्बर २ ख का प्रदेशसभा सदस्य इन्द्रबहादुर बानियाजीको भूमिका अझ प्रगाढ रूपमा देखिन्छ। बानियाजी सधैं जनताको बीचमा रहने नेता हुनुहुन्छ। उहाँले पार्टीको इज्जत जोगाउन र स्थानीय तहमा कांग्रस पार्टीलाई मजबुत बनाउन महत्त्वपूर्ण भूमिका निभाउनु भएको छ। उहाँको कार्यशैली र सिद्धान्तले उहाँलाई जनताको बीचमा लोकप्रिय बनाएको छ।
इन्द्रबहादुर बानियाजी केवल चुनावको बेला मात्र जनताको बीचमा आउने नेता होइनन्, उहाँ सधैं जनताको समस्यासँग नजिक रहने र तिनीहरूको समृद्धिका लागि काम गर्ने नेता हुनुहुन्छ। चुनाव जिते पनि उहाँले जनताको बीचमा आफ्नो स्थान सधैं कायम राख्नु भएको छ। उहाँले जनताको हकका लागि आफ्नो संघर्षलाई निरन्तरता दिनुभएको छ र यसका लागि उहाँले कुनै सस्तो चुनावी राजनीतिमा लाग्ने गर्दैनन्। उहाँको मञ्चमा उपस्थित भइरहने र घरघर पुगेर जनताको समस्या सुन्ने शैलीले उहाँलाई जनताको आदर्श र विश्वासको पात्र बनाएको छ। यही कारण उहाँलाई हराउने नेता भन्ने विचार हरेक अवस्थामा टाढा राखिएको छ।
इन्द्रबहादुर बानियाजीको नेतृत्वमा कांग्रस पार्टीले मकवानपुरमा ठूलो स्थान बनाएको छ। उहाँको कार्यशैली र जनता प्रति सँगसँगै चल्ने दृष्टिकोणले पार्टीलाई एक स्थिर र बलियो स्थानमा पु-याएको छ। यससम्बन्धी स्थानीय जनताको प्रतिक्रिया पनि सकारात्मक रहेको छ। जनताको विश्वास र समर्थनसँगै उहाँले पार्टीलाई दृष्यमा ल्याउनको साथै समग्र विकास प्रक्रियामा सहभागी भएको छ।
यस नयाँ सम्पर्क कार्यालयको उद्घाटनसँगै, यस क्षेत्रका जनताले अब सरकारसँग आफ्नो समस्याहरू साझा गर्न र समाधान प्राप्त गर्नको लागि एक थप ढोका पाएका छन्। जनताको आवाजलाई सुनिनु र सही दिशा दिनु, यो कार्यालयको मुख्य उद्देश्य हुनेछ, जसले यस क्षेत्रको समग्र विकास प्रक्रियामा सकारात्मक योगदान पुर्याउनेछ।
यस पहलको स्वागत गर्दै, स्थानीय जनताले यसलाई विकास प्रक्रियामा आफ्नो सक्रिय सहभागिता जनाउन र सरकारसँग नजिकबाट काम गर्नको लागि एक महत्वपूर्ण अवसरको रूपमा लिएका छन्। यसले स्थानीय राजनीति र विकासको एक नयाँ दिशा खोल्ने विश्वास गरिएको छ।
