चन्द्रागिरी, काठमाडौँ- तिहारको तेस्रो दिन लक्ष्मी पूजाको अवसरमा चन्द्रागिरीका स्थानीयवासीहरू घर सजाउने र रंगोली बनाउन सुरु गर्दै छन्। साँझ पर्नासाथ घर–घरमा लक्ष्मी माता भित्र्याउने तयारी तीव्र बनेको छ।
ढोका अगाडि आकर्षक रंगोली बनाएर, बत्ती बाल्दै र फूलले सजाएर घरहरू झलमल देखिन थालेका छन्। उज्यालो र रङको समिश्रणले सम्पूर्ण बस्तीमा उत्सवमय वातावरण सिर्जना गरेको छ।लक्ष्मी पूजाको दिन घर सफा राख्ने, दीप प्रज्वलन गर्ने र धन–समृद्धिको कामना गर्ने पुरानो परम्परा आज पनि उतिकै उत्साहका साथ मनाइँदै छ। उज्यालोको यो पर्वले स्थानीयहरूको अनुहारमा खुसी र घरभित्र सकारात्मक ऊर्जाको अनुभूति ल्याएको छ।
यदि तपाईँलाई यो समाचार मन पर्यो भने स्वेच्छिक सहयोग गर्न सक्नुहुन्छ।
नोट:- भुक्तानी गर्दा कुनै थप शुल्क लाग्दैन।
